KAMATI YA FEDHA, UONGOZI NA MIPANGO YAPONGEZA MAKUSANYO YA MWEZI OCTOBA.

Posted on: November 21st, 2024

Kamati ya Fedha, Uongozi na Mipango chini ya Mwenyekiti wake Mhe. Anna Msola  imetoa pongezi  kwa Mkurugenzi  wa halmashauri ya Wilaya ya Kilolo Ndugu Hassan Mnyikah  na timu yake ya Wataalamu kwa kuweza kukusanya  kiasi cha Tshs 576,965,523/- kwa mwezi wa kumi  tu ambacho ni zaidi  ya kilichokusanywa  mwezi wa tisa.

Anna Msola  ametoa  pongezi hizo  tarehe 21/11/2024 wakati akiongoza  kikao cha kawaida cha kamati hiyo kilichofanyika  katika ukumbi wa halmashauri.

Aidha kwa upande mwingine Mhe. Anna Msola aliweka msitizo kuhusiana  na swala zima  la upungufu  wa madawati na viti na kumtaka Mkurugenzi kuhakikisha anakua  na mikakati madhubuti ya kufanikisha  upatikanaji  wa madawati  kabla  ya Januari  ambapo wanafunzi wa kidato cha kwanza watapokelewa.

Kwa upande wake mkurugenzi mtendaji wa halmashauri ya wilaya ya kilolo Ndugu Hassan Mnyikah ameyapokea maelekezo ya kamati  na kuahidi kuyatekeleza kwa wakati na ifikapo mwezi wa kwanza, upungufu wa madawati kwenye shule zote utakua umekwisha.