SHIRIKA LA NYUMBA TAIFA LATOA MIFUKO YA SARUJI KILOLO

Posted on: November 22nd, 2024

Shirika la Nyumba Taifa (NHC), kupitia Ofisi ya Meneja Mkoa wa Iringa imetoa mifuko 100 ya saruji yenye thamani ya Tshs 2,000,000/- kwa Halmashauri ya Wilaya ya Kilolo ili iweze kusaidia kwenye Miradi ya Maendeleo ikiwemo shule na vituo vya Afya. Lengo kuu ni kuunga jitihada za Mhe. Rais wa Jamhuri ya Muungano Daktari Samia Suluhu Hassan katika kufikisha huduma na maendeleo kwa wananchi wake.

kwa upande wake Mkurugenzi Mtendaji wa Halmashauri ya Wilaya ya Kilolo Ndugu Hassan Mnyikah amelishukuru shirika la nyumba  kwa msaada huo, kwani utasaidia kwa kiasi kikubwa kwenye ujenzi na ukamilishaji wa miradi mbalimbali inayoendelea kutekelezwa.

Aidha Mnyikah ametoa rai kwa wadau wa maendeleo kuiga mfano wa shirika la nyumba kwa kutoa kwa jamii ili kuwezesha miradi na huduma mbalimbali itakayotekelezwa iweze kuwanufaisha  wananchi.

Wakati huohuo amemshukuru sana Rais wa Jamhuri ya Muungano wa Tanzania Mhe. Samia Suluhu Hassan kwa kuendelea kutupatia fedha nyingi za miradi katika halmashauri yetu ambayo inawagusa wananchi moja kwa moja kama vile Shule, vituo vya Afya na miundombinu ya barabara.