Ufugaji

• SEKTA YA MIFUGO

Katika sekta ya mifugo, wilaya ya Kilolo ina fursa mbalimbali za uwekezaji katika mnyororo wa thamani wa mifugo kulingana na kanda za kiikolojia.  Kila kanda ina hali ya hewa iliyo tofauti na nyingine ambayo utofauti huo ndiyo unaleta fursa mbalimbali.

• Ukanda wa juu:Hali ya mwinuko wa mita 1,600 – 2,700 kutoka usawa wa Bahari, Joto la kati ya8^oC hadi 10^OC na kiasi cha mvua cha 1,000 – 1,600mm vinatoa fursa katika ufugaji wa ng'ombe wa maziwa, mbuzi wa maziwa, kuku asili, chotara, nyama na nguruwe na upandaji wa malisho ya mifugo kwa mvua na umwagiliaji.

• Ukanda wa kati:uwepo wa mwinuko kati ya 1,200 hadi 1,600m juu ya usawa wa Bahari, joto la kati ya13 hadi 25^oC na mvua za wastani wa 600 hadi 800mm unasaidia ustawi katika ufugaji wa kuku wa mayai, asili,chotara,nyama,nguruwe na mbuzi wa nyama, mbuzi wa maziwa (baadhi ya mbegu) na ng'ombe wa maziwa (baadhi ya mbegu).

• Ukanda wa chini: Ukanda huu upo katika mwinuko kati ya 1,200 hadi 1,600m juu ya usawa wa Bahari, wastani wa joto kwa mwakani 13 hadi 25^oC na mvua zisizo zidi 600mm.  Hali hii inatoa fursa katika ufugaji wa mifugo mbalimbali kama; kuku wa asili,mayai,chotara na nyama, ng'ombe wa nyama na mbuzi wa nyama, Pamoja na upandaji wa malisho kwa umwagiliaji

• SEKTA YA UVUVI/UFUGAJI SAMAKI.

Wilaya ya Kilolo imegawanyika katika kanda tatu za kiikolojia ambazo kila kanda ina hali ya hewa ambayo inatoa fursa ya aina fulani ya uwekezaji katika sekta yauvuvi. 

• Ukanda wa juu; Ukanda upo katika mwinuko wa kati ya 1,600 hadi 2700m kutoka usawa wa bahari.  Una joto kati ya 8^oC hadi 10^OC na kiasi cha mvua ni kati ya 1,000 hadi 1,600mm kwa mwaka. Ukanda huu unajumuisha kata zote za tarafa ya Kilolo. Uwepo wa maji ya kutosha na mito mingi, kuna toa fursa ya ufugaji wa samaki kwa njia ya mabwawa ya kuchimba, mabwawa ya kujenga.  Aina ya samaki wanaofaa kufugwa kwa maeneo haya ni kambale, perege nasato. 

• Ukanda wakati; Ukanda huu wenye mwinuko kati ya 1,200 hadi 1,600m juu ya usawa wa bahari unajumuisha kata zotezilizopo tarafa ya Mazombe.  Kiasi cha mvua katika Eneo hili ni kati ya 600 hadi 800mm kwa mwaka na hali ya joto ni kati ya 13 hadi 25^oC.  Hali hii inafaa sana kwa ufugaji wa samaki kwenye mabwawa ya kujengea, mabwawa kuwekewa nailoni maalumu (pond liner) na ufugaji wa samaki kwa mfumo wa RAS (mfumo wa kuzungusha maji ili kuzuia upotevu wa maji).

• Ukanda wa chini; Unapatika na katika mwinuko wa 900 – 1,200m kutoka usawa wa bahari. Hali ya joto ni kati ya 15 hadi 29^oC. Ukanda huu unapata mvua chache ukilinganisha na maeneo mengine ya wilaya, ambapo wastani wa mvua kwa mwaka ni katiya 500 hadi 600mm. Baadhi ya maeneo haya yana miundombinu ya umwagiliaji ambayo inaweza kutumika pia katika shughuli za ufugaji wa samaki.  Aina ya ufugaji wa samaki unaofaa katika ukanda huu ni ufugaji katika mabwawa ya kujenga au ya nylon (pond liner) na ufugaji kwa mfumo wa RAS (mfumo wa kuzungusha maji).
•