Wilaya ya Kilolo ni moja kati ya Halmashauri tano zilizopo katika mkoa wa Iringa, ilianzishwa mwaka 2005 kwa tangazo la Serikali Na. 220 baada ya kugawanywa toka Wilaya ya Iringa. Wilaya ya Kilolo ina eneo la kilometa za mraba 7882. Wilaya ya Kilolo, ipo kati ya nyuzi za latitudo 70 - 8.30 kusini mwa mstari wa Ikweta na nyuzi za Longitudo 340 - 370 Mashariki mwa mstari wa Greenwichi. Wilaya ya Kilolo inapakana na Wilaya ya Mpwapwa kwa upande (Dodoma) wa kaskazini, Wilaya ya kilosa kwa upande wa Kaskazini Mashariki, Wilaya ya Kilombero (Morogoro) upande wa Mashariki. kwa upande wa Kusini ni Wilaya ya Mufindi na upande wa Magharibi imepakana na Wilaya ya Iringa Vijijini.
1.2. UTAWALA
Kiutawala, Halmashauri ya Wilaya ya Kilolo ina Tarafa 3 Kata 24, Vijiji 94, Vitongoji 484 na Jimbo moja la Uchaguzi wa Mbunge ambalo ni jimbo la Kilolo.
1.3. UONGOZI
Halmashauri ya Wilaya ya Kilolo inaundwa na Baraza la Madiwani wa kuchaguliwa 24, Mheshimiwa Mbunge, Jimbo la Uchaguzi la Kilolo, Waheshimiwa wabunge viti maalum 2 na Madiwani wa viti maalum 8, wakuu wa Idara 9, wakuu wa vitengo 9 na Mkurugenzi Mtendaji ambaye ni katibu wa Halmashauri.
Halmashauri ya Wilaya ya Kilolo ina kamati za kudumu kama ifuatavyo:-
Kamati ya Fedha, Uongozi na Mpango
Elimu na Afya
Uchumi, Ujenzi na Mazingira
1.4. IDADI YA WATU
Halmashauri ya Wilaya ya Kilolo ina jumla ya wakazi wapatao 263,559 (kutokana na maoteo ya sensa ya Watu na Makazi ya mwaka 2022). Kati ya wakazi hao 128,035 ni Wanaume na 135,524 ni Wanawake. Ina jumla ya Kaya 69,597 ambapo wastani wa ukubwa wa Kaya ni 3.8.
