WASHUGHULIKIENI WANAOCHOMA MISITU

Posted on: October 30th, 2024

Mwenyekiti wa Kamati  ya Uchumi, Ujenzi na Mazingira ya Halmashauri ya Wilaya ya Kilolo Mhe. Rahman Mkakata, ameongoza kikao cha Kamati hiyo leo tarehe 30-10-2024 katika ukumbi wa Halmashauri kwa lengo la kufuatilia utekelezaji wa shughuli za kimaendeleo zinazotekelezwa katika kipindi cha Robo ya Kwanza kwa mwaka wa fedha 2024/2025 kilicho anza Julai hadi Septemba 2024.

Mhe. Rahman alihoji tabia ya watu wanaochoma misitu/mapori  kwa nadharia wanasafisha mashamba  na kupelekea kusababisha uharibifu mkubwa kutokuchukuliwa hatua za haraka ili kukomesha tabia hiyo ovu.

“kuna watu wao kazi yao ni kuanzisha moto katika mapori/misitu na kufanya uharibifu mkubwa unaoleta hasara lakini cha kushangaza hawachukuliwi hatua zozote ilihali tunawafahamu.”

Hoja hiyo iliungwa mkono na Mhe. Rashid Nzelemela ambaye ni diwani wa Kata ya Ruaha Mbuyuni, ambapo alieleza jinsi uharibifu mkubwa unavyofanywa kwenye misitu na kuharibu uoto wa asili, nyara za serikali pamoja na wanyama mbalimbali.

“mapori yanachomwa na wahusika wapo wanaonekana katika maeneo yetu tunayoshinda lakini hatuoni hatua zozote zikichukuliwa dhidi yao, hii siyo sawa naomba wote wakamatwe na sheria ichukue mkondo wake.”

Aidha alitoa rai kwa mamlaka husika kuhakisha wanakua na utaratibu mzuri wa kuilinda misitu na

hiyo ni pamoja na kuwachukulia hatua kali kabisa kwa wale watakaobainika.