Kilimo,Mifugo na Uvivu

Mifugo na Uvuvi

IDARA YA MIFUGO NA UVUVI

Idara ya Mifugo na Uvuvi ni sekta ndani ya  Halmashauri ya Wilaya ya Kilolo inayojishughulisha na uendelezaji wa wanyama, jamii ya ndege wafugwao na samaki. Lengo kuu likiwa ni kuongeza na kuboresha uzalishaji wa Mifugo na mazao yake, sambamba na upatikanaji wa samaki kutoka ziwani na kwenye mabwawa ya kufugia samaki ili kuboresha lishe ya jamii na kutoa mchango katika kuinua uchumi wa jamii na Taifa kwa ujumla.

ENEO LAKUFUGIA

Sehemu kubwa ya eneo la Halmashauri ya Mji lina malisho hivyo linaruhusu ufugaji wa aina mbalimbali ya mifugo.Karibu asilimia 60 ya eneo hili inatumika kufugia isipokuwa kwenye maeneo ya makazi.

MIFUGO ILIYOPO

Kimala                           15              671          53            1137                                   7934                                   0

Total                         63922          3444          9645         34347                                 365872                               2137 

Wanyama na ndege wengine wanaofugwa ni sungura, njiwa, bata mzinga, bata bukini na kanga hawa wanafugwa kwa kiwango kidogo sana ndani ya Halmshauri ya Wilaya ya Kilolo.

SHUGHULI ZINAZOTEKELEZWA NA IDARA YA MIFUGO/UVUVI

• Kitengo cha mifugo
• Kinga dhidi ya magonjwa ya mifugo (chanjo na uogeshaji wa mifugo)
• Tiba ya mifugo
• Lishe ya mifugo
• Hifadhi ya mifugo
• Elimu juu ya sheria, kanuni na taratibu za ufugaji unaokubalika
• Elimu ya ufugaji wenye tija
• Elimu ya usindikaji  na biashara ya  mazao ya mifugo
• Kusimamia biashara ya mifugo kwenye minada ya awali
• Kusimamia ukaguzi na usafi wa nyama kwenye machinjio ndani ya Halmashauri

Eneo linalostahili kwa malisho na ufugaji kwa ujumla ni Hekta za mraba 71,874. Eneo hili linatumika pia kwa kilimo kwani hakuna eneo lililotengwa rasmi kwa ufugaji.

• Kitengo cha uvuvi
•  Kitengo hiki kinafanya shughuli za ukaguzi wa samaki wanaoingia kutoka  shemu mbalimbali,zaidi sana ni kutoka ziwa Viktoria na kwenye mito, bwawa la mtera na mabwawa ya watu binafsi.
• Uhamasishaji na uelimishaji juu ya  ufugaji wa samaki ambao kwa sasa ndio mradi mpya ulioshamili na kupendwa zaidi na jamii.
• Kushirikiana na taasisi zisizokuwa za kiserikali ili kueneza elimu ya ufugaji wa samaki.
• Kufanya ufuatiliaji wa biashara ya samaki na mazao ya majini kwa ujumla
• Mpaka sasa ndani ya Halmashauri tuna jumla ya mabwawa 573 yaliyokwisha pandikizwa samaki. 

UVUNAJI WA MIFUGO

• Tuna jumla ya minada ya mifugo 4 ya awali ndani ya Halmashauri.
• Tuna machinjio 2 na angikio 1 linalotambulika - wastani wa uchinjaji kwa siku kwenye machinjio za  Halmashauri ni ng’ombe 40, mbuzi 15 kwa siku kipindi cha ukata na ng’ombe 53 ,mbuzi 27 kipindi cha biashara nzuri hasa baada ya mavuno.
• Pia wafugaji huuziana mifugo wao kwa wao.

Mikakati tuliyonayo ni kuhakikisha kuwa Halmashauri inakuwa na ufugaji wenye tija katika kujenga uchumi wa jamii na Taifa kwa ujumla.

Shughuli kuu iliyoko kwa sasa ni zoezi la utambuzi na uvishaji wa hereni kwa mifugo (ng’ombe).