ATO – YAELEZA MPANGO MKUU WA TAIFA WA KILIMO 2050

Posted on: December 19th, 2024

Wataalamu kutoka Agriculture Transformation  Office (ATO) iliyo chini ya Wizara ya Mifugo  na Uvuvi, leo tarehe 19-12-2024 wametoa elimu na mafunzo kwa wataalamu wa Halmashauri ya Wilaya ya Kilolo kuhusu Agriculture Master Plan 2050 – Mpango Mkuu wa Taifa wa Kilimo ambao lengo lake kuu ni kubainisha maeneo muhimu ya kilimo kama taifa.

Kaimu mkurugenzi kutoka ofisi ya mageuzi ya kilimo Ndugu Jeremiah Temi amewaomba wataalamu wakati wa kuandaa bajeti zao waweze pia  kutenga bajeti za kilimo katika idara/vitengo vyao kulingana na muongozo wa mageuzi ya kilimo 2050, kwani kwa kufanya hivyo itasaidia  kufikia lengo lililokusudiwa. Pia amesisitiza  wataalamu wa kilimo wawe karibu na wakulima kwa kutoa ushauri kulingana na taratibu za kilimo zinavyotaka.