KIKAO CHA TATHMINI YA MKATABA WA LISHE CHAFANYIKA KILOLO

Posted on: December 17th, 2024

Kikao cha Tathmini ya Mkataba wa Lishe  Ggazi ya Wila kimefanyika tarehe 17-12-2024 katika ukumbi wa Ofisi ya Mkuu wa Wilaya kikiongozwa na kaimu mwenyekiti, Katibu Tawala (W) Ndugu Estomin Kyando.

Katika kikao hicho kaimu mwenyekiti  alitoa maagizo  kwa wasimamizi kufwatilia na kuhakikisha mpango  wa utoaji chakula shuleni unaimarishwa na watoto wote wawe wanapata chakula, pia alisisitiza hamasa zaidi itolewe kwa wanaume wawe na mazoea ya kuhudhuria katika matukio ya Afya na Lishe . pamoja na maagizo hayo alisisitiza elimu izidi kutolewa ili kuongeza  ufanisi katika utekelezaji wa Afua za lishe  na ufuatiliaji wa watoto watakaozaliwa  na kubainika na changamoto mbalimbali za kilishe.

“tujitahidi sana mpango wa kula mashuleni uwe endelevu na uzidi kuimarishwa zaidi ili kila mwanafunzi awe anapata chakula shuleni bila kukosa  na hii itasaidia mtoto kusoma vizuri na kuelewa haraka darasani. Hatutaki watoto wetu wawe na udumavu wakati Iringa ni Mkoa unaozalisha vyakula mbalimbali kwa wingi nchini.” Alisema Kyando

Mkurugenzi mtendaji wa halmashauri ya wilaya ya kilolo Ndugu Hassan Mnyikah alipopata nafasi ya kuzungumza alimshukuru  kaimu mwenyekiti  kwa maelekezo yote aliyoyatoa na kumuhakikishia atayatekeleza  yote kwa wakati.

Akiendele kuzungumza Mnyikah aliwataka watendaji wote wahakikishe chakula kinachotolewa shuleni kiwe bora na salama na wanafunzi wote wanapata chakula. Pia alitoa agizo kwa watendaji hao ambao wana shule hazilishi chakula  wanafunzi kutokana na sintofahamu  kati ya kamati za chakula shuleni na walimu wakuu, waitishe mkutano wakae pamoja na waweke mazingira mazuri ya kuhakikisha chakula kinatolewa kwa wanafunzi wote, na mpaka tarehe 30-12-2024 awe ameshapata mrejesho kwa yale yote waliyokubaliana na kuamua.

“watendaji tukimaliza kikao hapa  mkaitishe mkutano wa kamati za chakula shuleni pamoja na wakuu wa shule  ili kwa pamoja  mtengeneze mazingira mazuri ya wanafunzi  kupata chakula wakiwa mashuleni na nawapa mpaka tarehe 30 mwezi huu muwe mshaniletea mrejesho ofisini kwangu.” Alisema Mnyikah