MAFUNZO KWA WATENDAJI (WASIMAMIZI) NGAZI YA JIMBO KILOLO YATAMATIKA

Posted on: December 20th, 2024

Kuelekea zoezi la Uboreshaji wa Daftari la Kudumu la Mpiga Kura, watendaji ngazi ya jimbo wamepatiwa  mafunzo ya uboreshaji wa daftari kwa muda wa siku mbili kuanzia tarehe 19 – 20/12/2024 yaliyofanyika ukumbi wa halmashauri ya wilaya kilolo.

Akifunga  mafunzo hayo Ndugu Amelye Mfugale amewataka washiriki  kuzingatia mafunzo hayo kwani wanajukumu la kuwafundisha  waandikishaji wasaidizi pamoja na waendesha mashine za bayometriki huku akiwasisitiza  ushirikiano na utunzaji wa vifaa walivyopewa  kufanyia kazi.

“tafadhalini sana hii ni kazi ya kitaifa hivyo naomba hili zoezi lifanyike kwa uweledi mkubwa, mshirikiane na maafisa kutoka tume pale ambapo mtaona kuna changamoto ili mpate kuuliza na wao hawatasita kuwasaidia.” Amesema Mfugale

Mafunzo hayo ya siku mbili yalitolewa ambapo mada mbalimbali  zilitolewa  ikiwemo  mada ya fomu Na. 1.5A, 5B na 2, mada ya fomu Na. 3A, 3B, 4, 6 NA 7 na mafunzo ya mfumo wa uandikishaji  mada ambazo zilitanguliwa  na kiapo kwa washiriki wote kuapa mbele ya hakimu.